BUDDY HOLLY SÖNGLEIKURINN

FRUMSÝNDUR 7. OKTÓBER Í AUSTURBÆ

Bravó og 3 Sagas frumsýna Buddy Holly söngleikinn 7. október næstkomandi en hér er á ferðinni einn vinsælasti söngleikur allra tíma. Hefur hann gengið sleitulaust fyrir fullu húsi víða um heim frá frumsýningunni í London árið 1991. Um síðustu áramót var heildarfjöldi sýninga um heim allan orðinn rúmlega 20 þúsund og gestirnir rúmlega 21 milljón talsins frá öllum heimshornum.

Nýuppgerður Austurbær hefur ekki litið betur út síðan hann opnaði árið 1947. Þetta sögufræga hús er nú komið í toppstand og verður búið allra fullkomnustu hljóð- og ljósagræjum sem völ er á. Á efri hæð hússins verður opnaður nýr og glæsilegur veitingastaður, þar sem eitt sinn var hinn margrómaði veitingastaður Silfurtunglið. Ætlun nýrra eigenda er að byggja upp skemmtilegt afþreyingar- og menningarhús í miðborg Reykjavíkur og er þessi heimsfrægi gleði- og stuð söngleikur hin fullkomna byrjun.

Listrænir stjórnendur sýningarinnar eru reynsluboltarnir Gunnar Helgason (leikstjóri) og Jón Ólafsson (tónlistarstjóri). Sungið verður á íslensku og þýðing söngtextanna er í höndum Davíðs Þórs Jónssonar. Óhætt er að segja að í raun og veru hafi aldrei neinn annar en Ingó komið til greina í aðalhlutverkið.

Ráðgert er að hefja miðasölu á Buddy Holly söngleikinn í byrjun september og að venju mun meðlimum á póstlista Bravó bjóðast að tryggja sér miða áður en almenn sala hefst. Hljómplata verður gefin út með lögunum úr söngleiknum í haust áður en frumsýnt er.

Opinber síða The Buddy Holly Musical
Ingó og Veðurguðirnir á Tónlist.is

Persónur og leikendur

 

Ingólfur Þórarinsson          Buddy Holly/Gítar                       

Baldur Ragnarsson           Joe/Kontrabassi

Hannes Friðbjarnarson     Jerry/Trommur                       

           

Ólöf Jara Skagfjörð           Maria Elena Santiago                                   

Jóhann G. Jóhannsson     Hipockets Duncan                                   

Björgvin Franz Gíslason   Norman Petty                                   

Heiða Ólafsdóttir               Vicky Petty                       

Sigurjón Brink                    Ritchie Valens

Felix Bergsson                   J. P. Richardson ‘The Big Bopper'           

           

Jónmundur Grétarson            Söngvari/Ýmis hlutverk

Tinna Björt Guðjónsdóttir       Söngkona/Ýmis hlutverk           

Díana Lind Monzon                Söngkona/Ýmis hlutverk                       

 

Unnur Birna Björnsdóttir            Fiðla/Píanó/Ýmis hlutverk           

Hildur Jakobína Tryggvadóttir    Shirley/Ýmis hlutverk

 

Guðmundur Stefán Þorvaldsson            Gítar/Tommy, fjórði meðlimur the Crickets

Haukur Gröndal                                      Saxófónn/Flauta           

Snorri Sigurðarson                                 Trompet                                               

Guðni Finnsson                                      Rafmagnbassi

Listrænir stjórnendur

Leikstjóri                                    Gunnar Helgason

Leikmynd                                   Egill Ingibergsson og Móeiður

Búningar                                    Ellen Loftsdóttir

Lýsing                                               

Tónlistarstjóri                              Jón Ólafsson

Hreyfingar og dans                     Birna Björnsdóttir

 

Handrit                                        Alan Janes og Rob Bettison

Tónlist                                         Charles Hardin Holley (Buddy Holly) o.fl.

Þýðing söngtexta                        Davíð Þór Jónsson

Þýðing leiktexta                           Jóhannes Haukur Jóhannesson

Aðstoðarleikstjóri                        Esther Talía Casey

Hár og förðun                              Systa Thors